*Ҳиндистон тарихидан лавҳа*
Шайх Ризоллоҳ Бадовиний 1857 йил инглиз босқинчиларига қарши қўзғолонда иштирок этиш айби билан ўзларининг шогирдларидан бўлган инглиз ҳокими олдида маҳкамага тортиладилар. Шунда инглиз ҳокими шайхнинг дўстларидан бири орқали у кишига қўйилаётган айбни инкор этишларини илтимос қилади, токи оқланиб озод этилишлари учун. Шайх бундай илтимосни рад этиб: мен инглизларга қарши чиқишда иштирок этганман, қандай қилиб инкор этаман?!, дейдилар. Бу каби айбнинг жазоси ўлим бўлгани туфайли ҳоким шайхни ўлимга ҳукм қилишга мажбур бўлади. Шайх дор остига олиб келинар экан ҳоким у кишининг ҳузурларига келиб, йиғлаб, қайтадан илтимос қилиб айтадики: "бу айб ёлғон" деб бир оғиз айтиб қўйинг, мен бор куч-қувватим билан сизни қутқаришга ҳаракат қиламан. Шайх унинг илтимосларидан ғазабланиб қуйидаги сўзларини яна бир бор такрарладилар:
_*"Сен менинг амалларим ёлғон гапиришим билан ҳабата бўлиб кетишини истайсанми? Мен сенинг талабингга рози бўлсам дарҳақиқат зиёнкор бўлиб қоламан, амалларим (савоби) йўқ бўлиб кетади. Мен ҳақиқатан қўзғолонда иштирок этганман, хоҳлаганларингизни қилаверинглар!"*_
Шундай қилиб, ўлим жазоси ижро этилиб, шайх дорга осилдилар. (Аллоҳ шаҳидликларини қабул айлаган бўлсин).
( *"Мусулмонлар қолоқликка тушиб кетишлари оқибатида олам қандай зарарларга гирифтор бўлди?",* деб номланган китобдан иқтибос, 217 саҳифа. Муаллиф: шайх аллома Абулҳасан Надавий раҳимаҳуллоҳ)
ليست هناك تعليقات:
إرسال تعليق