"GAANO KALAKI ANG KURSI NG ALLAH KUNG IKUKUMPARA SA MGA DAIGDIG?"
Sa kabila ng lahat ng ito, sa utos ng Allah, sinamahan ni Anghel Gabriel si Propeta Muhammad Sallallaahu Alayhi wa Sallam sa paglalakbay gamit ang isang kabayong lumilipad at binagtas nila ang buong kalawakan.
Sa pamamagitan ni Anghel Gabreil, ang Propeta ay umakyat sa pitong kalangitan at sa pinakamataas na Paraiso at pagkaraa’y muli siyang bumalik sa daigdig. Ang tagal ng kabuuang paglalakbay (ang tinatawag na Israá at Miraj) ay umabot lamang ng isang buong magdamag.
Kaluwalhatian sa Allah!
Ang Panginoon ng Mataas na Luklukan.
Minsa'y nababasa nating ang mga di-nananampalataya (atheist) ay naghahangad na magpunla ng alinlangan sa puso ng mga Muslim tungkol sa Banal na Qur'an sa pamamagitan ng kanilang pagtatanong ng ganitong uri ng mga katanungan:
"Kung ang lawak ng Paraiso ay kasing lapad ng mga kalangitan at ng kalupaan katulad ng sinasabi sa Banal na Qur'an, magkagayo’y nasaan ang kinalalagyan ng Apoy ng Impiyerno?"
Ang ating kasagutan: "Kasawian sa inyong mga hindi nananampalataya! Ang walang katapusan at malawak na sanlibutan ng Allah ay hindi lamang sapat para sa isang Paraiso na ang lapad ay sakop ang mga kalangitan at kalupaan, bagkus ito ay sapat pa rin upang lagyan ng bilyong magkakatulad na Paraiso. Ito ay sadyang malawak upang paglagakan ng maraming Impiyerno bilang inyong huling hantungan sapagka’t ang sanlibutan ay walang hangganan."
Si Propeta Muhammad Sallallaahu Alayhi wa Sallam ay nagsabi: "Ako’y sumusumpa sa Allah na Siyang may hawak ng aking kaluluwa; Ang pitong kalangitan at ang pitong kalupaan kung ihahambing sa Kursi (patungan ng paa ng Allâh) ay katumbas lamang ng isang singsing na inihagis sa disyerto at ang sukat ng Kursi kung ihahambing sa Arsh (Trono ng Allâh) ay kasing-sukat ng singsing kung ihahambing sa disyerto."
Ang Hadith na ito (winika ng Propeta Sallallaahu Alayhi wa Sallam) ay nagbibigay-linaw kung GAANO KALAKI ANG KURSI NG ALLAH kung ikukumpara sa mga daigdig at mga kalangitan kahit pa man din sadyang napakalawak ng mga sukat nito, sila ay katumbas lamang ng isang maliit na singsing sa disyerto. Gayundin ang sukat ng Kursi kung ihahambing sa sukat ng Kanyang Arsh (Trono).
Ating mababasa sa Banal na Qur'an ng Al Baqarah:
255. Allāhu Lā 'Ilāha 'Illā Huwa Al-Ĥayyu Al-Qayyūmu Lā Ta'khudhuhu Sinatun Wa Lā Nawmun Lahu Mā Fī As-Samāwāti Wa Mā Fī Al-'Arđi Man Dhā Al-Ladhī Yashfa`u `Indahu 'Illā Bi'idhnihi Ya`lamu Mā Bayna 'Aydīhim Wa Mā Khalfahum Wa Lā Yuĥīţūna Bishay'in Min `Ilmihi 'Illā Bimā Shā'a Wasi`a Kursīyuhu As-Samāwāti Wa Al-'Arđa Wa Lā Ya'ūduhu Ĥifžuhumā Wa Huwa Al-`Alīyu Al-`Ažīmu.
…Ang Kanyang Kursi (patungan ng paa) ay abot ang mga kalangitan at ang kalupaan at hindi Siya nakadarama ng kapaguran sa pangangalaga at pagpapanatili sa kanila. Sapagka’t Siya ang Kataas-taasan, ang Dakila.
CTTO
CTTO
ليست هناك تعليقات:
إرسال تعليق