الثلاثاء، 28 فبراير 2023

АРАФА КУНИ РЕЖАСИ

 


Arafa kuni rejasi

IslamHouse.com Ўзбек - Uzbek - أوزبكي

30 أغسطس 2017 
АРАФА КУНИ РЕЖАСИ
1⃣ - Арафага ўтар кечаси барвақт ухланг. Витрни саҳарда ўқиш ниятида ўқимай қолдиринг.
2⃣ - Саҳар пайти уйқудан туринг ва таҳорат олинг.
3⃣ - Таҳоратдан кейин айтиладиган дуони айтинг.
4⃣ - Витрдан олдин 2 ракаат бўлсада таҳажжуд намозини ўқинг. Бошингиз саждада экан, дунё ва охират яхшилигини сўранг. Шундай кунга етказганига ҳамдлар айтинг.
5⃣ - Арафа куни рўзасини тутиш учун саҳарлик қилинг.
6⃣ - Бомдод вақти киргунча «Саҳарларда Аллоҳга истиғфор айтадиган кишилар» (Оли Имрон: 18- оят) дан бўлиш учун истиғфор (Астағфируллоҳ ва атубу илайҳи айтиш) билан машғул бўлинг.
7⃣ - Бомдодни масжидда жамоатда ўқинг. Саломдан кейиноқ "такбири ташриқ"ни айтинг.
8⃣ - Сўнгра намоз ўқиган жойингиздан қимирламай то қуёш чиққунга қадар намоздан кейинги тасбеҳлар, тонгги дуо-зикрлар ва Қуръон тиловати билан машғул бўлинг.
9⃣ - Қуёш чиқиб 15 дақиқа ўтгандан сўнг 2 ёки 4 ракаат намоз ўқинг.
🔟 - Кейин иккисидан бирини танланг; Агар ухламасдан шу кунни ўтказа олсангиз, ухламанг. Ҳар сониянгизни ғанимат билиб зикр, дуолар қилинг.
1⃣1⃣ - Ёки Аллоҳга ибодат қилиш учун куч тўплаш ниятида ухлаб дам олинг.
1⃣2⃣ - Дам олиб тургач, икки ракаат бўлсада намоз ўқинг. Такбир, зикр, Қуръон тиловатини, айниқса: «Лаа илаҳа иллаллоҳу ваҳдаҳу лаа шарийка лаҳу, лаҳул мулку ва лаҳул ҳамду ва ҳува ала кулли шайъин Қодиир» ни кўп айтинг.
1⃣3⃣ - Пешин намозини жамоатда ўқинг. Такбир айтинг. Имкон қадар Қуръон тиловат қилинг.
1⃣4⃣ - Пешиндан то асргача фойдали, яхши амаллар билан машғул бўлинг.
1⃣5⃣ - Асрни жамоатда ўқинг. Такбир ва намоз тасбеҳларидан кейин кечқурунги зикр, дуоларни қилинг.
1⃣6⃣ - Шом намозига бир ёки ярим соат қолганда, тазарруъ ила дуолар қилинг. Бутун дунёдаги заиф, ночор ва мазлум мусулмон ака-ука, опа-сингилларингиз ҳақларига ҳам дуо қилинг.
1⃣7⃣ - «Эй Раббим, шу куннинг қуёши ботар экан, мени, ота-онамни ва барча яқинларимни жаҳаннамдан озод қилган бандаларинг қаторида қилгин», деб дуо қилинг.
1⃣8⃣ - Азон айтилиши билан хурмо ёки сув билан оғзингизни очинг ва шом намозига шошилинг.
Аллоҳ сизу бизни солиҳ амалларга муваффақ айласин! Аллоҳ дуоларимизни ижобат айласин!
✳ Мазкур режа бўйича амал қилмоқчи бўлган аёллар намозни аввалги вақтида уйларида ўқисинлар.
✅ «Яхшиликка далолат қилувчи уни қилувчи кабидир».
Бу эслатмани аҳлу оилангиз, яқинларингиз ва барча мусулмонларга улашинг ва ажрда шерик бўлинг!
Bookmark and Share
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)