منشورات الموجز
نظرية التطور حقيقة علمية يا ولاد الـ .... ( الفرق بين شغل العلماء وشغل العوالم )
لو داروين عايش كان قاله يا عم خنقتنا ( ده أنا عامل الفصل السادس في تحديات تواجه النظرية Difficulties of the Theory )
صاحبنا هيقوله: التطور حقيقة علمية بقولك.
طيب حضرتك قرأت الـ 64 إشكالًا علميًّا اللي طرحهم الملحد مايكل دانتون في كتابه: "التطور نظرية في أزمة Evolution: A Theory in Crisis" وإن فيه برزخ حقيقي بين أنواع الكائنات الحية ومفيش حاجة اسمها حلقة مفقودة؛ لأن مفيش سلسلة أصلًا؟
بل واعتبر في آخر كتابه إن نظرية التطور في وضعها الراهن ليست أشبه بالطعام الذي لم ينضج فحسب، وإنَّما لم يُطبخ أصلًا، ويُراد للآخرين أكله ولو بالقوة.
قرأت حضرتك الأبحاث اللي قدمها؟
لا طبعًا بس التطور حقيقة علمية ياض.
طيب حضرتك قرأت الكتاب الثاني لمايكل دانتون: "التطور نظرية ما تزال في أزمة Evolution: Still a Theory in Crisis" واللي طرح فيه إشكالات على مستوى الـ Evo-devo وإن الريش ظهر فجأة، والزعانف ظهرت فجأة، والمشيمة ظهرت فجأة - مش بس الأنواع ده حتى الأعضاء نفسها ظهرت فجأة-
أنت عارف الكلام ده؟
الإنسان أصله قرد.
طيب حضرتك عرفت المراجعات اللي عملها الداروينيَيْنِ الملحدَينِ جيري فودور Jerry Fodor
وماسيمو بياتيلي بالماريني Massimo Piattelli-Palmarini ، في كتابهما: "الأمر الذي أخطأ فيه داروين What Darwin Got Wrong". وقالوا في أول الكتاب: "هذا ليس كتابًا عن الله، ولا عن التصميم الذكي، ولا عن الخلق، لكن هناك خطأ - وربما خطأ لدرجة قـ^اتلة - في نظرية التطور".
حضرتك قرأت الأبحاث اللي قدموها في الكتاب ده؟
متأولوش العلم عشان ترضوا الناس ...التطور حقيقة علمية بقولك.
طيب حضرتك قريت الـ 16 ورقة علمية اللي أنا عرضتهم في الحلقة بتاعتي، واللي رديت عليك فيها.
التطور حقيقة علمية بكل لغات العالم.
يُؤسفني أن أقول لك: فيه فرق بين شغل العلماء وبين واحد بيلم تفاعلات على الفيس وأعجبني وللجميع.
طيب حضرتك عارف إن المنشورات عندك أصبحت مرتعًا للملـحدين؟
لو حضرتك مش عارف فدي مصيـ^بة، ولو عارف ومطنش فالمصـ^يبة أعظم.
شكرًا.
ليست هناك تعليقات:
إرسال تعليق